மும்பை: இந்திய கிரிக்கெட் ரசிகர்களுக்கு இன்று மிகுந்த அதிர்ச்சியும், உணர்ச்சிவயப்பட்ட நாளாகும். இந்திய கிரிக்கெட் அணியின் முன்னணி நட்சத்திரமும், முன்னாள் தலைவருமான விராட் கோலி, டெஸ்ட் கிரிக்கெட்டிலிருந்து தனது ஓய்வை இன்று அதிகாரப்பூர்வமாக அறிவித்துள்ளார்.
இந்த அறிவிப்பை வெளியிடும் போது, தனது கிரிக்கெட் பயணத்தின் முக்கிய தருணங்களை அவர் நினைவுகூர்ந்தார். “இந்திய அணிக்காக வெள்ளை ஆடையில் மைதானத்தில் கால் வைக்கும் ஒவ்வொரு தருணமும், எனது வாழ்கையின் பெருமைமிக்க தருணங்கள். அணியின் வெற்றிக்காக உழைத்த ஒவ்வொரு நாளும், என் இதயத்தில் நிலைத்திருக்கும்,” என அவர் கூறினார்.
இந்திய அணி சமீபத்தில் தொடர்ச்சியான தோல்விகளை எதிர்கொண்டுள்ளது. சொந்த மண்ணில் நியூசிலாந்து அணியிடம் ஒரு தொடர் தோல்வி, பின் அவுஸ்திரேலியாவிடம் பார்டர்-கவாஸ்கர் கிண்ணத்திலும் தோல்வி. இதனால் இந்திய அணி உலக டெஸ்ட் சாம்பியன்ஷிப் இறுதிப் போட்டிக்கு தகுதி பெற முடியவில்லை. இது ரசிகர்களிடையே பெரும் ஏமாற்றத்தை ஏற்படுத்தியது.
இதையடுத்து, அணியின் நிலைப்பாடு குறித்து கேள்விகள் எழுந்தன. அணித் தலைவர் ரோகித் சர்மா டெஸ்ட் போட்டிகளில் இருந்து ஓய்வு பெறுவதாக அறிவித்திருந்த நிலையில், இப்போது விராட் கோலியின் ஓய்வும் அந்த பரம்பரையில் இணைந்திருக்கிறது.
விராட் தனது அறிவிப்பில், “நான் என்னைக் கவனித்த என் குடும்பத்திற்கும், இந்திய அணியின் தோழர்களுக்கும், எனை எப்போதும் நம்பிய ரசிகர்களுக்கும் என் நன்றியை தெரிவிக்க விரும்புகிறேன். எனது பயணம் இங்கே முடிகிறது, ஆனால் இந்திய கிரிக்கெட்டின் பயணம் தொடர வேண்டும்,” என உருக்கமான வகையில் குறிப்பிட்டுள்ளார்.
அதிபரபடையான மனோபாவத்துடன், ஒருநாள் மற்றும் டி20 கிரிக்கெட்டில் தொடர இருப்பதாகவும், இந்திய அணிக்காக இன்னும் பல சாதனைகள் புரிய முயற்சி செய்யப்போகிறேன் என்றும் அவர் உறுதியளித்துள்ளார்.
0 Comments